پاکستان اور جنوبی افریقہ کے درمیان ٹی ٹونٹی سیریز کا آغاز کل سے ہو رہا ہے۔سیریز کی ٹرافی کی رونمائی کردی گئی۔
تین میچز کی سیریز کا پہلا میچ راولپنڈی کرکٹ اسٹیڈیم میں کھیلا جائےگا۔ٹرافی کی رونمائی کی تقریب اسلام آباد میں ہوئی، جس میں قومی ٹیم کے کپتان سلمان علی آغا اور جنوبی افریقہ کے کپتان ’’ڈونووَن فریرا‘‘ نے شرکت کی۔ سیریز کے لیے قومی کرکٹرز کی تیاریاں جاری ہیں، کھلاڑیوں نے پنڈی سٹیڈیم میں پریکٹس سیشنز کئے۔
سیریز کا دوسرا میچ جمعہ جبکہ تیسرا میچ ہفتے کو قذافی سٹیڈیم لاہور میں شیڈول ہے۔ٹی ٹوئنٹی سیریز کے بعد دونوں ٹیمیں تین میچز کی ون ڈے سیریز میں بھی مد مقابل ہوں گی۔ون ڈے میچز 4، 6 اور 8 نومبر کو فیصل آباد میں کھیلے جائیں گے۔
