راولپنڈی :پاکستان اور سری لنکا کے درمیان تین میچز کی ون ڈے سیریز کا آغاز آج سے راولپنڈی میں ہورہا ہے۔
پنڈی اسٹیڈیم میں ہونیوالا مقابلہ دن ڈھائی بجے شروع ہوگا۔اور پی ٹی وی سپورٹس ایچ ڈی پر براہ راست دکھایا جائے گا۔سیریز کا دوسرا میچ جمعرات اور تیسرا میچ ہفتہ کو راولپنڈی میں ہی کھیلا جائے گا۔دونوں ٹیموں کے درمیان اب تک 157ون ڈے میچز کھیلے جاچکے ہیں جن میں پاکستان نے 93اور سری لنکا نے 59 میچز میں کامیابی سمیٹی۔ایک مقابلہ برابر رہا 4 میچ بے نتیجہ رہے۔
راولپنڈی سٹیڈیم میں پاکستان اور سری لنکا کے درمیان دو ون ڈے میچز کھیلے گئے ہیں اور دونوں ٹیموں نے ایک، ایک میچ میں فتح حاصل کی۔
