اسلام آباد:پاکستان پیپلزپارٹی کے چیئرمین بلاول بھٹو زرداری نے اسلام آباد کچہری اور کیڈٹ کالج وانا میں دہشتگردانہ حملوں کی مذمت کی ہے ۔
ایک بیان میں چیئرمین بلاول بھٹو زرداری نے اسلام آباد ڈسٹرکٹ جوڈیشل کمپلیکس کے قریب خودکش دھماکے میں شہادتوں پر افسوس کااظہار کیا انہوں نے دھماکے کے زخمیوں کی جلد صحتیابی کی دعا کی۔
بلاول بھٹو زرداری نے کہا کہ خودکش حملہ آور کو جوڈیشل کمپلیکس میں داخل ہونے سے روکنا اور وانا کیڈٹ کالج سے تمام افراد کو بحفاظت ریسکیو کرنا بھی سکیورٹی فورسز کی کامیابی ہے۔انہوں نے کہا کہ معصوم شہریوں کو نشانہ بنانے والے دہشتگرد کسی رعایت کے مستحق نہیں۔
بلاول بھٹو زرداری نے مزید کہا کہ بھارتی آلہ کاروں کو منطقی انجام تک پہنچانے کے لئے سکیورٹی فورسز سمیت پوری پاکستانی قوم متحد اور پرعزم ہے۔
