فاف ڈوپلیسی کے بعد معین علی بھی آئی پی ایل چھوڑ کر پی ایس ایل میں شامل

آئی پی ایل کی ایک اور اہم وکٹ گر گئی ہے، فاف ڈوپلیسی کے بعد بلے باز معین علی نے بھی آئی پی ایل چھوڑ کر پاکستان سپر لیگ (پی ایس ایل) کھیلنے کا فیصلہ کر لیا ہے۔

معین علی کا کہنا ہے کہ وہ پی ایس ایل کے نئے دور میں شامل ہونے پر بہت زیادہ پرجوش ہیں۔ انہوں نے کہا کہ پی ایس ایل اپنے بہترین معیار اور ورلڈ کلاس ٹیلنٹ کی وجہ سے نمایاں مقام رکھتی ہے۔ معین علی نے مزید کہا کہ پاکستان میں کھیلنا ہمیشہ خوشگوار تجربہ رہا ہے، یہاں اعلیٰ معیار کی کرکٹ اور شائقین کا غیر معمولی جوش و جذبہ قابل دید ہے۔