سعودی عرب نے پاکستان کے لیے ڈپازٹ کی مدت میں ایک بار پھر توسیع کر دی

اسلام آباد:سعودی عرب نے پاکستان کے لیے 3 ارب ڈالر کے ڈپازٹ کی مدت میں ایک بار پھر توسیع کر دی۔

ذرائع کے مطابق سعودی ڈویلپمنٹ فنڈ نے3ارب ڈالرز کے ڈپازٹ کی مدت میں مزید ایک سال کی توسیع کردی، سعودی عرب کے3 ارب ڈالرز کے ڈپازٹ کی مدت آج ختم ہورہی ہے .

سعودی عرب کا 3 ارب ڈالرز اسٹیٹ بینک آف پاکستان کے پاس موجود ہے، سعودی عرب نے2021 میں پاکستان کو 3 ارب ڈالرز کا ڈپازٹ فراہم کرنے کا معاہدہ کیا تھا۔