وزیرمملکت بلال بن ثاقب کی عالمی فورمز میں شرکت،ڈیجیٹل معیشت میں پاکستان کی نمایاں کامیابی

اسلام آباد:وزیر مملکت بلال بن ثاقب دو بڑے عالمی ڈیجیٹل اثاثہ جاتی پروگراموں میں پاکستان کی نمائندگی کریں گے۔

ذرائع کے مطابق چیئرمین پاکستان ورچوئل اثاثہ جات ریگولیٹری اتھارٹی بلال بن ثاقب دبئی میں4 دسمبر کو BINANCE BLOCKCHAIN WEEK سے خطاب کریں گے جبکہ وزیر مملکت 9 دسمبر کو ابوظہبی میں ہونے والے عالمی ایونٹ میں بھی شرکت کریں گے۔ دونوں پروگراموں میں ڈیجیٹل اثاثوں اور ابھرتی ہوئی ٹیکنالوجیز کی ماہرعالمی شخصیات شریک ہوں گی۔

ذرائع کے مطابق بلال بن ثاقب کی عالمی فورم میں شرکت پاکستان کے لیے ایک قابلِ فخر اور اہم سنگِ میل کی حیثیت رکھتی ہے ، عالمی فورم پر نمائندگی ڈیجیٹل معیشت میں پاکستان کے نمایاں کردار کو اجاگر کرتی ہے۔