راولپنڈی :کراچی میں سلطنت عمان کی شاہی بحریہ اور پاک بحریہ کے درمیان مشترکہ جنگی مشق بارہویں ثمر الطیب اختتام پذیر ہو گئیں ۔مشترکہ مشق میں حصہ لینے کے لیے سلطنت عمان کے شاہی بحری بیڑے کے دو جنگی جہاز رائل نیوی آف عمان الراسخ اور الشمس کراچی پہنچے ۔
آئی ایس پی آر کے مطابق بحری جنگی مشق ثمرالطیب کا مقصد دونوں برادر ملکوں کے درمیان سمندری سکیورٹی میں تعاون کو مزید مضبوط بنانا ہے ۔یہ مشترکہ بحری مشق دونوں ملکوں کے دیرینہ اور دوستانہ گہرے تعلقات کی عکاس ہیں ۔
آئی ایس پی آر کاکہناہے کہ پاک بحریہ اور سلطنت عمان کی شاہی بحریہ 1980سے باقاعدگی کے ساتھ یہ مشقیں کر رہی ہیں ۔ عمان کی شاہی بحریہ کے جنگی جہازوں کے افسروں نے پاک بحریہ کی اعلی قیادت سے ملاقاتیں کیں اور اہم بحری تنصیبات کا دورہ کیا ۔دونوں برادر ملکوں کی بحریہ کے اہلکاروں نے مختلف بحری شعبوں میں پیشہ ورانہ مکالمے اور تجربات کا تبادلہ کیا۔
