واشنگٹن: امریکی صدر ڈونلڈ ٹرمپ نے کہا ہے کہ ایران کے ساتھ مذاکرات جاری رکھنا چاہتے ہیں اور کسی نتیجے پر پہنچنے کی کوشش کریں گے۔
میڈیا سے گفتگو کرتے ہوئے صدر ٹرمپ نے کہا کہ دیکھیں گے کہ ایران کے حوالے سے کیا کیا جا سکتا ہے۔ پہلے بھی مذاکرات ناکام ہوئے تو ہمیں جوہری تنصیبات پر کارروائی کرنی پڑی۔ ماضی میں ایران کے مسئلے کو مختلف طریقے سے نمٹایا گیا، اب دیکھیں کیا ہوتا ہے۔
صدر ٹرمپ نے مزید کہا کہ خلیجی ممالک کو اپنے منصوبے کے بارے میں پہلے نہیں بتا سکتے اور فیصلے کی تفصیلات بعد میں واضح کی جائیں گی۔
