آپریشن غضب للحق: کرم سیکٹر میں افغان طالبان کی متعدد چوکیاں تباہ

راولپنڈی: آپریشن غضب للحق میں افغان طالبان اور فتنہ کیخلاف افواج پاکستان کی زمینی اور فضائی کارروائیاں جاری ہیں۔
سکیورٹی ذرائع کے مطابق پاک افغان بارڈر پر کرم سیکٹر میں پاک فوج کی افغان طالبان کے خلاف کامیاب کارروائی میں متعدد پوسٹیں تباہ کر دی گئیں۔
سکیورٹی ذرائع کا کہنا ہے کہ پاک فوج نے بھاری آرٹلری فائر سے افغان طالبان اور فتنہ الخوارج کی پوسٹوں کو نشانہ بنایا۔
حکام کے مطابق آپریشن غضب للحق تاحال جاری ہے اور اپنے اہداف حاصل ہونے تک جاری رہے گا۔