میری جوتی کرتی ہے اب ان کیساتھ کام، علیزے شاہ کا یاسر نواز کے بیان پر سخت جواب

کراچی :پاکستانی شوبز انڈسٹری کی اداکارہ علیزے شاہ اور اداکار و ہدایت کار یاسر نواز کے درمیان جاری تنازع ایک بار پھر شدت اختیار کر گیا ہے۔
دونوں فنکار ماضی میں ڈرامہ میرا دل میرا دشمن میں ایک ساتھ کام کر چکے ہیں، تاہم اسی دوران پیدا ہونے والے اختلافات بعد ازاں ایک طویل تنازع میں بدل گئے۔
یہ معاملہ اس وقت مزید بڑھا جب یاسر نواز نے ایک پروگرام میں علیزے شاہ پر تنقیدی تبصرے کیے، جس کے بعد علیزے شاہ نے ان پر نامناسب رویے کا الزام عائد کرتے ہوئے خبردار کیا تھا کہ اگر انہوں نے میرے خلاف بات جاری رکھی تو میں انہیں بے نقاب کر دوں گی۔
بعد ازاں حال ہی میں یاسر نواز نے نرم موٴقف اپناتے ہوئے علیزے شاہ کی صلاحیتوں کی تعریف کی اور کہا کہ انہیں دوبارہ مرکزی کردار میں کاسٹ کرنا چاہوں گا۔
تاہم علیزہ شاہ نے اس بیان پر سخت ردِعمل دیتے ہوئے اپنی انسٹا اسٹوری پر کہا ہے کہ میری جوتی کرتی ہے اب ان کے ساتھ کام۔
اداکارہ کے اس بیان پر سوشل میڈیا پر ملا جلا ردعمل دیکھنے میں آیا ہے، جہاں بعض صارفین نے ان کے موٴقف کی حمایت کی جبکہ دیگر نے اسے غیر مناسب قرار دیا ہے۔