تاندلیانوالہ میں کار اور ٹریکٹر ٹرالی میں تصادم ،ایک ہی خاندان کے 6 افراد جاں بحق

تاندلیانوالہ: تاندلیانوالہ میں کار اور ٹریکٹر ٹرالی میں تصادم سے 6 افراد جاں بحق ہوگئے۔
ریسکیو ذرائع نے بتایا کہ حادثہ تیز رفتاری کے باعث نواحی علاقے 393 گ ب کے قریب پیش آیا، 3 افراد زخمی بھی ہوئے، حادثے کی اطلاع پر پولیس اور امدادی ٹیمیں موقع پر پہنچ گئیں، جاں بحق ہونے والوں میں خاتون اور بچے بھی شامل ہیں۔
ریسکیو حکام نے بتایا کہ زخمیوں کو تشویشناک حالت کے پیش نظر فوری طور پر فیصل آباد منتقل کر دیا گیا، حادثہ دھند کے باعث پیش آیا، حادثے میں جاں بحق ہونے والے افراد کا تعلق لاہور سے ہے۔
پولیس کے مطابق ٹریکٹر ٹرالی کو تحویل میں لے لیا جبکہ ڈرائیور موقع سے فرار ہو گیا جسے پکڑنے کیلئے کارروائی کی جارہی ہے۔