بڑھتی ہوئی آبادی پر قابو پانے کے لیے ایک جامع عوامی آگاہی مہم ناگزیر ہے،صدر مملکت کاعالمی یوم آبادی پرپیغام

اسلام آباد:عالمی یوم آبادی کے موقع پر صدر مملکت آصف علی زرداری نے اپنے پیغام میں کہا ہے کہ بڑھتی ہوئی آبادی پر قابو پانے کے لیے ایک جامع، ہمہ گیر حکمت عملی اور مؤثر عوامی آگاہی مہم ناگزیر ہے۔
صدر نے اس بات پر زور دیا کہ خاندانی منصوبہ بندی کی معیاری سہولیات نہ صرف شہری بلکہ دیہی علاقوں میں بھی باآسانی دستیاب ہونی چاہییں تاکہ ہر طبقہ یکساں طور پر فائدہ اٹھا سکے۔
انہوں نے کہا کہ آبادی میں تیزی سے اضافہ اور وسائل کی محدود دستیابی کے درمیان توازن پیدا کرنا حکومت کی اولین ترجیحات میں شامل ہونا چاہیے۔
صدر آصف علی زرداری نے میڈیا کے کردار کو بھی اجاگر کرتے ہوئے کہا کہ وہ صحت مند طرزِ زندگی، خاندانی منصوبہ بندی، اور عوامی شعور بیدار کرنے میں کلیدی کردار ادا کر سکتا ہے۔