راولپنڈی:سیکیورٹی فورسز نے 10-11 اگست کو بلوچستان کے ضلع کیچ کے علاقے مزبند رینج میں دہشت گردوں کے خلاف انٹیلی جنس پر مبنی ایک کامیاب آپریشن کیا۔ جس کے نتیجے میں 2دہشت مارے گئے ۔
آئی ایس پی آر کے مطابق آپریشن کے دوران 2 دہشت گردوں کو جہنم واصل کیا گیا۔ایک دہشت گرد زخمی ہوا بھاری مقدار میں اسلحہ اور گولہ بارود بھی برآمد ہوا۔مارے گئے دہشت گرد معصوم شہریوں اور قانون نافذ کرنے والے اداروں کو نشانہ بنانے میں ملوث تھے۔
آئی ایس پی آر کا کہنا ہے پاکستان کی سیکیورٹی فورسز دہشت گردی کی لعنت کے خاتمے اور پاکستان کے دشمنوں کے مذموم عزائم کو ہر قیمت پر ناکام بنانے کے لیے پرعزم ہیں۔
