پاکستان میں فلسطین کے سفیر کا جی ایچ کیو کا دورہ، آرمی چیف سے ملاقات

راولپنڈی: پاک فوج کے سربراہ جنرل سید عاصم منیر سے فلسطین کے سفیر احمد جواد ربیع نے ملاقات کی ہے۔

آئی ایس پی آر کے مطابق پاکستان میں فلسطین کے سفیر احمد جواد ربیع نے جی ایچ کیو کا دورہ کیا۔

آئی ایس پی آر کا کہنا ہے کہ آرمی چیف جنرل سید عاصم منیر سے فلسطین کے سفیر نے ملاقات کی اس موقع پر آرمی چیف نے غزہ میں قیمتی جانوں کے ضیاع پر افسوس کا اظہار کیا۔

آئی ایس پی آر کے مطابق آرمی چیف جنرل سید عاصم منیر نے اسرائیلی فوج کی جانب سے فلسطینیوں کے قتل عام کی شدید مذمت کی۔