بھارت کیساتھ کشیدگی میں بروقت امریکی کردار کو سراہتے ہیں،سفیر رضوان سعید شیخ

واشنگٹن: امریکا میں پاکستانی سفیر رضوان سعید شیخ نے کہا کہ پاک امریکا تعلقات کا نیا دور مضبوط اقتصادی تعلقات سے عبارت ہے۔پاکستان بھارت کے ساتھ کشیدگی کے دوران بروقت امریکی کردار کو سراہتاہے ۔
امریکا میں پاکستانی سفیر رضوان سعید شیخ نے نیشنل ڈیفنس یونیورسٹی کے وفد کے دورے کے موقع پر گفتگو کرتے ہوئے کہا کہ امریکی مداخلت سے پاک بھارت کشیدگی کم ہوئی، مقبوضہ کشمیر کے مسئلے کو حل کرنے کی ضرورت ہے۔
رضوان سعید شیخ کا کہنا تھا کہ سندھ طاس معاہدے پر یکطرفہ اقدامات علاقائی استحکام کیلئے خطرہ ہو سکتے ہیں، امریکا پاکستان کا سب سے بڑا تجارتی پارٹنر ہے۔
امریکا میں پاکستانی سفیر نے مزید کہا کہ پاک امریکا تعلقات کا نیا دور مضبوط اقتصادی تعلقات سے عبارت ہے۔