ممبئی:بالی ووڈ سپر اسٹار امیتابھ بچن نے ایودھیا میں ساڑھے 14 کروڑ روپے مالیت کی زمین خریدی ہے۔
ایک رپورٹ کے مطابق امیتابھ بچن کے لیے یہ پلاٹ حال ہی میں ممبئی میں قائم ڈیولپر دی ہاؤس آف ابھینندن لودھا نے حاصل کیا، گھر کی تعمیر کے مقصد کے لیے حاصل کیا گیا یہ قطعہ اراضی ایودھیا کے دی سرایو کے علاقے میں ایک سیون اسٹار مکسڈ یوزڈ انکلیو ہے۔ دی سرایو مجموعی طور پر 51 ایکڑ پر پھیلا ہوا ہے۔
بھارتی میڈیا کی رپورٹ کے مطابق مذکورہ بالا بلڈر نے دیگر تفصیلات خفیہ رکھی ہیں تاہم رئیل اسٹیٹ ذرائع کا کہنا ہے کہ یہ قطعہ اراضی دس ہزار گز کا ہے اور اس کی قیمت ساڑھے 14 کروڑ روپے ہے۔
بتایا جاتا ہے کہ یہ خبر ایودھیا میں متنازع رام مندر کے افتتاح سے چند روز قبل سامنے آئی ہے۔
خیال رہے متنازع مندر کا افتتاح بھارتی وزیر اعظم نریندر مودی 22 جنوری کو کریں گے۔
