پاک فوج کے سربراہ جنرل سید عاصم منیر سے جی ایچ کیو میں ورلڈ جونیئر اسکواش چیمپئن محمد حمزہ خان نے ملاقات کی۔آرمی چیف نے نوجوان چیمپیئن کو ملک کے لیے اعزاز لانے والی شاندار کامیابی پر مبارکباد دی۔
آ ئی ایس پی آر کے مطابق ملاقات میں آرمی چیف جنرل سید عاصم منیر نے کہا کہ “آپ جیسی صلاحیتیں ہم سب کے قابل فخر ہیں. آپ کی عظیم کامیابی اس قوم کی عظیم صلاحیت کو بھی اجاگر کرتی ہے”فوج ملک میں نوجوان ٹیلنٹ کی حمایت جاری رکھے گی اور انہیں تعلیمی حصول اور کھیلوں میں مکمل تعاون فراہم کرنے کا وعدہ کیا ہے ۔
آرمی چیف نے مزید کہا کہ”ہمارے نوجوان اس ملک کا مستقبل ہیں اور توجہ، لگن اور محنت کے ساتھ ایسا کچھ نہیں جو پاکستان حاصل نہیں کر سکتا۔