عاطف اسلم کا میڈیکل لیبارٹری کے قیام کیلئے دو کروڑ روپے عطیہ

لاہور: پاکستان کے شہرہ آفاق گلوکار عاطف اسلم نے میڈیکل لیبارٹری کے قیام کیلئے دو کروڑ روپے عطیہ کیے ہیں۔

گلوکار کی طرف سے عطیے کی رقم ویلفیئر آرگنائزیشن جے ڈی سی کو دی گئی ہے جو اس رقم کو اپنے ہیلتھ پروجیکٹ میں استعمال کرے گی۔

عاطف اسلم نے کچھ عرصہ قبل سفاک اسرائیلی افواج کے ہاتھوں ظلم و ستم کے شکار فلسطینی عوام کے لیے 15 ملین کی امداد بھی عطیہ کی تھی۔

مداحوں کی جانب سے گلوکار کے انسانیت کیلئے ڈونیشن کو بہت پسند کیا جارہا ہے اور وہ اس پر عاطف اسلم کو خراج تحسین پیش کررہے ہیں۔