جنوبی وزیرستان میں پولیس کی گاڑی کے قریب بم دھماکا، ایس ایچ او زخمی

پشاور:جنوبی وزیرستان لوئر میں پولیس کی گاڑی کے قریب دھماکا ہونے سے ایس ایچ او زخمی ہوگیا۔

پولیس ذرائع کے مطابق جنوبی وزیرستان لوئر میں ایس ایچ او مزمل وزیر کی گاڑی کو وانا غوا خوا پرش کے مقام پر بم دھماکے سے نشانہ بنایا گیا۔

بم دھماکے میں ایس ایچ او زخمی ہوگئے، جبکہ گاڑی مکمل طور پر تباہ ہوگئی، دھماکے میں زخمی ہونے والے ایس ایچ او کو وانا ہیڈ کوارٹر اسپتال منتقل کردیا گیا ہے۔