نواز شریف اور مریم نواز سے برٹش ہائی کمشنر کی ملاقات، علاقائی صورتحال پر گفتگو

لاہور: پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف سے برٹش ہائی کمشنر جین میریٹ نے ملاقات کی۔ ملاقات کے دوران باہمی دلچسپی کے امور اور علاقائی صورتحال پر تبادلہ خیال کیا گیا۔

برٹش ہائی کمشنر جین میریٹ نے صدر مسلم لیگ ن محمد نواز شریف کی پاکستان کے لیے گرانقدر خدمات کو سراہا جبکہ وزیر اعلیٰ پنجاب مریم نواز شریف کے جاری منصوبوں کو بھی قابل تحسین قرار دیا۔ انہوں نے لاہور میں بسنت کے تہوار پر اپنی خوشی اور مسرت کا بھی اظہار کیا۔