بشریٰ بی بی کو ایک اور مقدمہ میں ریلیف مل گیا

اسلام آباد:بانی پی ٹی آئی عمران خان کی اہلیہ بشریٰ بی بی کو ایک اور مقدمہ میں ریلیف مل گیا، تھانہ رمنا کے مقدمہ میں ان کی ضمانت منظور کرلی گئی۔
ڈسٹرکٹ اینڈ سیشن کورٹس اسلام آباد بشریٰ بی بی کے خلاف 26 نومبر کو پی ٹی آئی احتجاج کیس کی سماعت ہوئی، ایڈیشنل ڈسٹرکٹ اینڈ سیشن جج عامر ضیاء نے سماعت کی۔
بشریٰ بی بی کی جانب سے بیرسٹر سلمان عدالت میں پیش ہوئے۔
عدالت نے تھانہ رمنا کے مقدمہ میں بشریٰ بی بی کی ضمانت منظور کرلی، 50 ہزار روپے کے مچلکوں کے عوض ضمانت منظور کی گئی۔
پراسیکیوشن کی جانب سے بشریٰ بی بی کی ضمانت کی مخالفت کی گئی۔