پیرس: فرانس میں 76ویں کانز فلم فیسٹیول کی تقریبات کا تمام رعنائیوں کے ساتھ آغاز ہو گیا ۔رنگا رنگ تقریب میں بالی وڈ سے کے ستاروں کی شرکت بھی متوقع ہے ۔
فلم فیسٹیول میں شرکت کیلئے دنیا بھر سے ستاروں کی بڑی تعداد فرانس پہنچ گئی ہے، افتتاحی تقریب میں جیوری ممبران اور اداکاروں کی موجودگی میں ایوارڈ کی رونمائی کی گئی۔
رنگا رنگ تقریب میں بالی وڈ سے ایشوریہ رائے بچن، دپیکا پڈکون، شروتی حسن، اے آر رحمان اورسونم کپور کی شرکت کا امکان ہے، کل 25 فلموں کے درمیان کڑے مقابلے ہوں گے، کانز فلم فیسٹیول 17 مئی سے 28 مئی تک جاری رہے گا۔
فلم فیسٹیول کی تقریبات کے دوران سیکیورٹی کے بھی انتہائی سخت انتظامات کیے گئے ہیں۔
