اسلام آباد :اسلام آباد ہائیکورٹ نے چیئرمین پی ٹی آئی کی اٹک جیل سے اڈیالہ جیل منتقلی کی درخواست پراعتراضات دور کردیئے۔سماعت کل ہوگی۔چیف جسٹس عامر فاروق نے وکلا کو مخاطب کرتے ہوئے ریمارکس دیئے کہ ایک چیز ذہن میں رکھیں جیلوں کے رولز میں جو سہولت ہے وہی آرڈر کریں گے۔
چیف جسٹس عامر فاروق نے درخواست پر سماعت کی۔دوران سماعت چیئرمین پی ٹی آئی اے شیرافضل مروت نے چیئرمین پی ٹی آئی کی طرف سے دیا گیا پاور آف اٹارنی پیش کرتے ہوئے کہا کہ جیلوں کے حوالے سے رولز دستیاب ہیں۔
چیف جسٹس کا کہنا تھا کہ جو قانون قاعدہ ہو گا۔بتا دیجئے گا۔اس کے مطابق آرڈر کر دوں گا۔جو وکلا ملنا چاہتے ہین دو تین دن بتا دیں اس لحاظ سے آرڈر کر دیں گے۔میں اعتراضات دور کر دیتا ہوں، درخواست کو نمبر لگے گا اور کل سماعت کیلئے مقرر ہو جائے گی۔
وکیل نے استدعا کی کہ چیئرمین پی ٹی آئی کی اہلیہ اور انکے وکلاء کو ملاقات کی اجازت دی جائے۔
