وزیر اعلیٰ پنجاب کی ہدایات پر سیلاب متاثرین کو صاف پانی کی فراہمی جاری

لاہور: وزیر اعلیٰ پنجاب مریم نواز شریف کی خصوصی ہدایات پر سیلاب متاثرین کو جراثیم سے پاک اور صحت بخش صاف پانی فراہم کرنے کا سلسلہ جاری ہے۔

پنجاب صاف پانی اتھارٹی کے مطابق اب تک متاثرہ علاقوں میں 17 لاکھ 33 ہزار لیٹر سے زائد پانی تقسیم کیا جا چکا ہے، جس سے 5 لاکھ 77 ہزار 667 متاثرین مستفید ہو ئے ہیں۔ صرف گزشتہ روز ہی 1 لاکھ 55 ہزار 900 لیٹر پانی سیلاب متاثرین تک پہنچایا گیا۔

ترجمان محکمہ ہاؤسنگ نے کہا کہ محفوظ اور صحت بخش پانی کی فراہمی کے لیے ہنگامی بنیادوں پر کام جاری ہے۔ ضلعی انتظامیہ اور صاف پانی اتھارٹی مشترکہ طور پر ریلیف آپریشن میں سرگرم عمل ہیں۔ ترجمان نے مزید کہا کہ متاثرہ آبادی کی سہولت حکومت کی اولین ترجیح ہے۔