ملکی نجی ائیرلائن کے مسافر جدہ ائیرپورٹ پر پھنس گئے

جدہ:ملکی نجی ائیرلائن سیرین ائیر کے مسافر جدہ ائیرپورٹ پر محصور ہوگئے۔

جدہ سے پشاور آنے والی سیرین ائیرکی پرواز 24 گھنٹے سے تاخیر کا شکار ہے جبکہ پرواز نے گزشتہ روز 16 دسمبر کو جدہ ائیرپورٹ سے پشاور کے لیے روانہ ہونا تھا۔

جدہ ایئر پورٹ پر 300 سے زائد مسافر پرواز کی روانگی کے منتظر پریشانی کا شکار ہیں جبکہ مسافروں کو پرواز کی پاکستان روانگی کے حوالے معلومات فراہم نہیں کی جارہی۔

ذرائع کا کہنا ہے کہ روانگی کے منتظر مسافروں کو بین الاقوامی قوانین کے تحت سہولیات کی فراہمی کا بھی فقدان ہے۔