امریکہ میں پاکستانی نڑاد ڈاکٹر طلعت جہاں چاقو کے وار سے قتل فائل:فوٹو

ہیوسٹن: امریکہ میں مقیم پاکستانی نژاد خاتون شہری ڈاکٹر طلعت جہاں خان کو ہیوسٹن میں چاقو کے وار سے قتل کر دیا گیا۔

حملہ آور نے ڈاکٹر طلعت جہاں خان کو امریکی ریاست ٹیکساس کے شہر ہیوسٹن میں ان کی رہائشی عمارت میں چاقو سے قتل کیا، ملزم نے 52 سالہ ڈاکٹر طلعت خان پر چاقو کے متعدد وار کیے۔

ڈاکٹر طلعت جہاں خان زخموں کی تاب نہ لاتے ہوئے چل بسیں، پولیس نے کارروائی کرتے ہوئے قاتل کو گرفتار کر لیا ہے تاہم تحقیقات میں ابھی تک قتل کی وجوہات معلوم نہیں ہوسکیں۔