لاہور: سابق صدر اور پیپلز پارٹی کے شریک چیئرمین صدر آصف زرداری کہنا ہے ملک میں انتخابات تب ہی ہوں گے جب میں الیکشن کراوں گا، آصف زرداری کا کہنا تھا یہ 2 ماہ میں الیکشن نہیں کراسکتے۔انشاء اللہ ملکی معیشت کو سنبھال کر زر مبادلہ کے ذخائر 100ارب ڈالر تک پہنچاوٴں گا۔
لاہور کے بلاول ہاوٴس میں سینٹرل پنجاب کے امیدواروں سے خطاب میں سابق صدر نے کہا کہ فوج کا بڑا خرچ نہیں ہے، خوامخواہ اس پر پروپیگنڈا کیا جاتا ہے کہ فوج کا بڑا خرچہ ہے۔
آصف زرداری نے گفتگو کے دوران دعویٰ کیا کہ یہ 2 ماہ میں الیکشن نہیں کراسکتے، انتخابات تب ہی ہوں گے جب میں کرواوٴں گا پیپلز پارٹی اور میں نے ہمیشہ جدوجہد کی ہے.
انھوں نے کہا کہ کارکن صبر کریں کیونکہ صبر کا وہ پھل ملے گا جس کا ا?پ کو انداز بھی نہیں، سارے دکھ درد دور ہوجائیں گے، میں نے 14برس جیل میں معیشت پر بہت ساری کتابیں پڑھیں۔
انہوں نے کہ اپنے دور میں ایسے حل دیے جس کی وجہ سے ہمارے دور میں زر مبادلہ کے ذخائر 24 ارب ڈالر ہو گئے تھے۔ انشاء اللہ ملکی معیشت کو سنبھال کر زر مبادلہ کے ذخائر 100ارب ڈالر تک پہنچاوٴں گا۔
آصف علی زرداری نے کہا سیاست میں ہر چیز کو کرنے کا حل موجود ہے، جن کو سیاست نہیں آتی ، ان کے پاس حل بھی نہیں ہوتا، اسی لیے وہ ہونے والی چیز کو بھی نہیں ہونے دیتے۔
