بانی پی ٹی آئی اور بشریٰ بی بی پر آج فرد جرم عائد ہونے کا امکان

اسلام آباد:190 ملین پاوٴنڈ ریفرنس میں بانی پی ٹی آئی عمران خان اور بشریٰ بی بی پر آج فرد جرم عائد ہونے کا امکان ہے۔
190 ملین پاوٴنڈ ریفرنس کی سماعت احتساب عدالت کے جج محمد بشیر کریں گے۔ بانی پی ٹی آئی کے 3 کیسز کی سماعت آج اڈیالہ جیل میں ہو گی۔
سائفر کیس کی سماعت خصوصی عدالت کے جج ابوالحسنات ذوالقرنین کریں گے۔سائفر کیس میں تمام گواہان پر جرح مکمل ہو چکی ہے۔
علاوہ ازیں توشہ خانہ ریفرنس میں بھی گواہوں پر جرح مکمل ہو چکی ہے۔