بانی پی ٹی آئی کو سیاسی انتقام کا نشانہ بنایا جا رہا ہے،فیصل جاوید

پشاور:پاکستان تحریکِ انصاف کے رہنما فیصل جاوید کا کہنا ہے کہ پاکستان میں سیاسی انتقام کا ریکارڈ بن گیا ہے۔ وہ دن دور نہیں جب بانی پی ٹی آئی واپس آئیں گے۔
پشاور ہائی کورٹ کے باہر میڈیا سے گفتگو کرتے ہوئے انہوں نے کہا کہ بانی پی ٹی آئی کو سیاسی انتقام کا نشانہ بنایا جا رہا ہے۔
فیصل جاوید کا کہنا ہے کہ سب سے زیادہ ایف آئی آرز بانی پی ٹی آئی کے خلاف درج کی گئی ہیں۔
انہوں نے کہا کہ ایک طرف مذاکرات کر رہے ہیں، دوسری طرف ہمارے ورکرز کو پکڑ رہے ہیں، وہ دن دور نہیں جب بانی پی ٹی آئی واپس آئیں گے۔
فیصل جاوید نے کہا کہ مذاکرات کا تحریری جواب دینا یا نہ دینا مذاکراتی کمیٹی کے ہاتھ میں ہے۔انہوں نے مزید کہا کہ انٹر نیٹ زیادہ استعمال کرنے سے سلو نہیں ہوتا۔