برلن:اسپیشل اولمپکس ورلڈ گیمز میں پاکستانی کھلاڑیوں کی شانداز کارکردگی ،پاکستانی کھلاڑیوں نے اپنے میچز میں بالترتیب فائنل ،سیمی فائنل اورکوارٹر فائنل تک رسائی حاصل کرلی۔
اسپیشل اولمپکس ورلڈ گیمز میں اولمپیا اسٹیڈیم میں مقابلے زوروشور سے جاری ہیں ۔
اولمپیا اسٹیڈیم میں منعقدہ ایٹھلیٹکس ایونٹ کے پہلے دن 50 میٹرریس میں پاکستان کی ثمینہ بی بی اورمحمدبشار نے فائنل کے لئے کوالیفائی کرلیا ۔
عمارابراہیم نے 200 جبکہ عبدالحسیب نے 800 میٹرز ریس کے فائنل کے لئے کوالیفائی کیا پاکستان کی فضاعباسی نے 200 میٹر،من بی بی نے 400 میٹراورمیرواعظ نے 1500 میٹر ریس کے سیمی فائنل تک رسائی حاصل کرلی
اسی طرح محمدلقمان اورمناہل 100 میٹر کے کواٹرفائنلزمیں پہنچ گئے۔شاٹ پٹ ایونٹ میں پاکستان کے عمیرکیانی نے سیمی فائنل میں جگہ بنالی
ایٹھلیٹکس ایونٹ کے400*4 مکس ریلے میں پاکستان ایٹھلیٹس نے سیمی فائنل میں اپنی ہیٹ میں تیسری پوزیشن حاصل کرکے فائنل کے لئے کوالیفائی کر لیا۔
پاکستانی ٹیم کے کوچ عرفان انورنے اپنے کھلاڑیوں ثناء،عمیرکیانی،میرواعظ اورمن بی بی کی پرفارمنس پراطمینان کااظہارکرتے ہوئے امیدظاہرکی ہے کہ ٹیم فائنل میں بھی اچھی کاکردگی کا مظاہرہ کرے گی۔
