ای وی ایم ہوتی تو میرا پیارا پاکستان اس بحران سے بچ جاتا: صدر عارف علوی

اسلام آباد: صدر مملکت ڈاکٹر عارف علوی نے کہا ہے کہ ای وی ایم ہوتی تو میرا پیارا پاکستان اس بحران سے بچ جاتا۔

سماجی رابطے کی ویب سائٹ ایکس پر اپنے ایک ٹویٹ میں صدر مملکت ڈاکٹر عارف علوی نے کہا کہ الیکٹرانک ووٹنگ مشینوں کے لئے ہماری طویل جدوجہد کو یاد رکھیں، ای وی ایم میں کاغذی بیلٹ تھے جنہیں ہاتھ سے گنا جا سکتا تھا، لیکن اس میں ایک سادہ الیکٹرانک کیلکولیٹر، کاؤنٹر بھی تھا۔

ڈاکٹر عارف علوی نے کہا کہ جو ہر ووٹ ڈالنے کے لئے دبائے جانے والے بٹن کو ساتھ ساتھ گن سکتا تھا، ہر امیدوار کا رزلٹ پول ختم ہونے کے پانچ منٹ کے اندر دستیاب ہوتا اور پرنٹ بھی ہو جاتا، ہماری یہ تمام جدوجہد جس کے لئے ایوان صدر میں 50 سے زائد میٹنگیں ہوئیں ناکام کی گئیں۔