راولپنڈی:21/22 جولائی کی رات کو، تین دہشت گردوں نےپاکستان-افغانستان کی سرحد پر دراندازی کی کوشش کی۔ تینوں دہشت گرد مارے گئے ۔۔
آئی ایس پی آر کے مطابق ضلع دیر میں سیکورٹی فورسز کی انٹیلی جنس کی بنیاد پرکارروائی کی گئی سیکیورٹی فورسز نے دراندازوں کو گھیر لیا گیامؤثر کارروائی اور شدید فائرنگ کے تبادلے کے بعد تینوں دہشت گردوں کو جہنم واصل کر دیا گیا۔
آئی ایس پی آرکا کہنا ہے کہ پاکستان مستقل طور پر عبوری افغان حکومت سے کہتا رہا ہے کہ وہ سرحد کے اطراف میں موثر بارڈر مینجمنٹ کو یقینی بنائے توقع ہے کہ عبوری افغان حکومت اپنی ذمہ داریاں پوری کرے گی اور دہشت گردوں کی جانب سے پاکستان کے خلاف دہشت گردی کی کارروائیوں کے لیے افغان سرزمین کے استعمال سے انکار کرے گی۔
آئی ایس پی آرکا کہنا ہے کہ پاکستان کی سیکیورٹی فورسز اپنی سرحدوں کو محفوظ بنانے اور ملک سے دہشت گردی کی لعنت کے خاتمے کے لیے پرعزم ہیں۔
