اسلام آباد : وزیر خارجہ اسحاق ڈار نے پانامہ اور جنوبی کوریا کے وزرائے خارجہ کو بھارت کے یکطرفہ اقدامات سے آگاہ کر دیا۔
اسحاق ڈار نے پانامہ کے ہم منصب سے رابطہ کر کے انہیں سندھ طاس معاہدے کے متعلق بھی بتایا، اس موقع پر پانامہ کے وزیر خارجہ نے دونوں فریقوں پر تحمل کا مظاہرہ کرنے پر زور دیا۔
وزیر خارجہ اسحاق ڈار نے جنوبی کوریا کے ہم منصب سے بھی رابطہ کرکے خطے کی صورتحال، بھارت کے پراپیگنڈے اور یکطرفہ اقدامات سے آگاہ کیا۔
ترجمان کے مطابق اسحاق ڈار نے کوریا کے وزیر خارجہ کو سندھ طاس معاہدے سے متعلق بھی آگاہ کیا، کوریا کے وزیر خارجہ نے بات چیت کے ذریعے مسائل کے حل پر زور دیا۔
خیال رہے کہ بھارت کے پہلگام حملے کے بارے میں پراپیگنڈے کے بعد وزیر خارجہ مختلف ممالک کے وزرائے خارجہ سے رابطہ کرکے ان کو صورتحال سے اگاہ کر چکے ہیں۔
