بیلجیئم: یورپی یونین نے اسرائیل پر حماس کے حالیہ حملے سے متعلق غلط معلومات پھیلانے پر ایکس کیخلاف تحقیقات کا آغاز کردیا ہے۔
عالمی میڈیا رپورٹس کے مطابق دہشت گردی اور پرتشدد مواد، نفرت انگیز تقاریر اور مبینہ طور پر غلط معلومات پھیلانے پر یورپی یونین نے ایکس کے خلاف تحقیقات کا آغاز کیا ہے۔
مذکورہ بالا تحقیقات یورپی یونین کے حال ہی میں نافذ کردہ ٹیک ریگولیشنز کے سلسلے میں کی جانے والی پہلی انکوائری ہوگی جس میں شکایات کے انتظام کے لیے ایکس کے طریقہ کار کی بھی چھان بین کی جائے گی۔اس سے قبل ایکس نے اعلان کیا تھا کہ اس نے حماس سے منسلک متعدد اکاوٴنٹس کو اپنے پلیٹ فارم سے ڈیلیٹ کر دیا ہے۔
یورپی یونین نے اپنے بیان میں کہا کہ یورپی کمیشن نے ایکس کو ڈیجیٹل سروسز ایکٹ (ڈی ایس اے) کے تحت معلومات کے لیے باضابطہ درخواست بھیجی ہے۔
یہ درخواست غیر قانونی مواد، غلط معلومات کے مبینہ پھیلاوٴ بالخصوص دہشت گردی اور پرتشدد مواد اور نفرت انگیز تقریر کے پھیلاوٴ کو روکھنے کیلئے درخواست ڈی ایس اے کی دیگر دفعات کی تعمیل کی بھی ہدایت کرتی ہے۔
یوروپی یونین کے سربراہ تھیری بریٹن نے ایلون مسک کو ایک خط بھیجا جس میں کہا گیا کہ انتباہات کے باوجود ایکس پلیٹ فارم سے پرتشدد اور دہشت گردانہ مواد کو نہیں ہٹایا گیا۔
