پشاور:خیبر پختونخوا اسمبلی میں مقبوضہ کشمیر کے عوام کے ساتھ اظہار یکجہتی اور بھارت کے غیر قانونی اقدامات کے خلاف قرارداد منظور کرلی گئی ۔
قرارداد میں کشمیر کے عوام کی غیر متزلزل حمایت اور اقوام متحدہ کی قراردادوں کے مطابق کشمیریوں کو حق خودارادئیت دینے کا مطالبہ کیا گیا ۔
قرارداد میں بھارت کی جانب سے آرٹیکل تین سو ستر اور پینتس ۔اے کی منسوخی اور انسانی حقوق کی خلاف ورزیوں اور کشمیری عوام کے ساتھ ہونے والی ناانصافیوں کی شدید مذمت کی گئی اور اقوام متحدہ اور عالمی برادری سے مطالبہ کیا گیا کہ مقبوضہ کشمیر میں انسانی حقوق کی خلاف ورزیوں کی تحقیقات کے لئے آزاد کمیشن قائم کرے ۔
