عید الاضحیٰ کی آمد قریب آتے ہی قربانی کا جذبہ عروج پر پہنچ گیا ہے اور ملک بھر کی مویشی منڈیوں میں خریداروں کا رش بڑھ گیا ہے۔ تاہم، منڈیوں میں بھاؤ تاؤ بھی اپنے عروج پر ہے اور مویشیوں کی قیمتیں آسمان سے باتیں کرتی دکھائی دے رہی ہیں جس کی وجہ سے خریدار پریشان ہیں۔
دوسری جانب، عید کی چھٹیوں کا مزہ دوبالا کرنے کے لیے بچے بے صبری سے جانوروں کو جلد گھر لانے کے منتظر ہیں۔
عید الاضحیٰ کے لیے خاص طور پر پالے گئے بکرے قربانی کے لیے تیار ہیں۔ رحیم یار خان میں مختلف نسلوں کے تقریباً چار لاکھ بکرے موجود ہیں، جبکہ مٹیاری کے علاقے ہالا میں ایشیا کی سب سے بڑی اونٹ منڈی سج گئی ہے۔
منڈیوں میں جانوروں کی مناسب قیمت کی تلاش ایک مشکل مرحلہ بنتا جا رہا ہے
