لاہور: پاکستانی ڈرامہ انڈسٹری کی سینئر اداکارہ صبا حمید نے کہا ہے کہ شادی ایک مشکل کام ہے اور میرے لئے یہ رشتہ پیچیدہ ہو چکا ہے۔
حال ہی میں اداکارہ نے ایک انٹرویو کے دوران اپنی نجی زندگی، کیریئر اور شادی سمیت مختلف موضوعات پر کھل کر اپنے خیالات کا اظہار کیا۔
شادی سے متعلق میزبان کے سوال پر اداکارہ صبا حمید کا کہنا تھا کہ شادی مشکل کام ہے، چاہے کچھ بھی ہو، ہاں لیکن شاید میرا کام کرنے کا طریقہ شادی کیلئے بہت کامیاب ماڈل نہیں ہے۔
میزبان سے مزید استفسار کیا کہ کیا شوبز انڈسٹری میں لوگوں کیلئے شادی کرنا مشکل ہے؟ جس پر اداکارہ نے جواب دیا کہ نہیں، آپ کا کسی بھی شعبے سے تعلق ہو شادی ہمیشہ مشکل ہوتی ہے، کم از کم میرے لئے یہ رشتہ پیچیدہ ہوگیا، اس میں آپ کسی ایک کو غلط اور صحیح نہیں کہہ سکتے۔
انہوں نے مزید کہا کہ میرے خیال میں روایتی تصورات اب نہیں رہے، آج کل کے دور میں شادی کرنے والے دونوں شریک حیات پڑھے لکھے ہوتے ہیں، اس رشتے کو بخوبی کیسے نبھانا اس پر تحقیق کی ضرورت ہے۔
