مریم نواز کا ہیٹ ویو کے پیش نظر الرٹ رہنے کا حکم ،عوام سے احتیاطی تدابیر اختیار کرنے کی اپیل

لاہور:وزیراعلی پنجاب مریم نواز شریف نے ہیٹ ویو کے پیش نظر الرٹ رہنے کا حکم دیتے ہوئےعوام سے احتیاطی تدابیر اختیار کرنے کی اپیل کی ہے ۔
وزیراعلی مریم نواز شریف نے ہیٹ ویو کے پیش نظر بچوں کو گھر میں محدود رکھنے کی ہدایت کی ہے ۔انہوں تمام سرکاری ونجی سکولوں میں اوپن ایئر سرگرمیاں معطل کرنے کا حکم دیا۔
وزیراعلی مریم نواز شریف کی تمام کلاس روم میں کم از کم پنکھے فنکشنل کرنے ، طلبہ کے لئے سخت گرمی کے پیش نظرڈریس کوڈ میں نرمی برتنے کی بھی ہدایت کی ۔علاوہ وزیراعلی پنجاب نے ہر سکول میں فرسٹ ایڈ باکس کی موجودگی یقینی بنانےاورانتظامیہ کو پر ہجوم بازاروں میں سایہ، او آر ایس ملا پانی ، فرسٹ ایڈ کاونٹر اور واٹر کولر فراہم کرنے کا بھی حکم دیا۔
وزیراعلی مریم نواز نے صوبہ بھر میں ریسکیو 1122 اور ہیلتھ سروسز کو الرٹ رکھنے کا حکم دیتے ہوئے ٹرانسپورٹ ڈیپارٹمنٹ کو تمام بس اور ویگن سٹینڈ میں سایہ، پانی اور مسٹ فین یقینی بنانے کی ہدایت کی ۔
وزیراعلی مریم نواز شریف نے ملتان اور بہاولپور ڈویژن میں کاشت کار بھائیوں کو سخت گرمی کے پیش نظر احتیاط برتنے کی ہدایت کی فارمز کو مویشیوں کے لئے سایہ اور وافر پانی مہیا کرنے کی اپیل کی علاوہ ازیں انہوں نے عوام کو چھتوں پر پرندوں کے لئے پانی رکھنے کی بھی ہدایت کی ۔