راولپنڈی : بانی چیئرمین پی ٹی آئی اور شاہ محمود قریشی کے وکلاء نے فرد جرم عائد ہونے کی خبر کو غلط قرار دے دیا۔وکیل بیرسٹر سلمان صفدر نے کہا کہ ہمارے سامنے کوئی فرد جرم عائد نہیں ہوئی ملزمان نے دستخط بھی نہیں کئے۔
سائفر کیس کی اڈلہ جیل راولپنڈی میں سماعت کے بعد میڈیا سے گفتگوکرتے ہوئے وکیل بیرسٹر سلمان صفدر نے سائفر کیس میں فرد جرم عائد ہونے کی خبر کی تردید کردی انہوں نے کہاکہ ہماری آج صرف درخواستوں پر بحث ہوئی ہمارے سامنے کوئی فرد جرم عائد نہیں ہوئی ملزمان نے دستخط بھی نہیں کئے۔پراسیکیوٹر نے غلط بتایا کہ فرد جرم عائد ہوئی کل اس پر احتجاج کرینگے۔جبکہ شاہ محمود قریشی کی وکیل بیرسٹر تیمور ملک نے بھی فرد جرم عائد ہونے کی خبر کو غلط قرار دیا۔
