اسلام آباد: وفاقی دارالحکومت میں سابق صدر آصف علی زردای سے متعدد سیاسی رہنماؤں نے ملاقات کرکے پاکستان پیپلز پارٹی میں شمولیت کا اعلان کیا ہے۔
پاکستان پیپلز پارٹی کے اعلامیے میں کہا گیا ہے کہ نائب صدر مسلم لیگ ن یوتھ ونگ پنجاب رانا ارتضیٰ نے پیپلز پارٹی میں شمولیت اختیار کرلی، جبکہ فیصل آباد سے سابق امیدوار صوبائی اسمبلی محمد علی شاہ پیپلز پارٹی میں شامل ہوگئے۔
پاکستان تحریک انصاف چھوڑ کر رانا ارسلان جاوید پیپلز پارٹی میں شامل ہوگئے، اس کے علاوہ ہری پور سے سابق آزاد امیدوار ذوالفقار قریشی بھی پیپلز پارٹی میں شامل ہوگئے۔
پی پی اعلامیے میں یہ بھی کہا گیا کہ ہری پور سے تعلق رکھنے والے علی جواد بھی پیپلز پارٹی میں شامل ہوئے ہیں۔
