کاروباری ہفتے کا پہلا روز، پاکستان اسٹاک مارکیٹ میں ملا جُلا رجحان رہا

کراچی:کاروباری ہفتے کے پہلے روز پاکستان اسٹاک مارکیٹ میں ملا جُلا رجحان دیکھا گیا ہے۔
کاروبار کے آغاز پر 100 انڈیکس میں 636 پوائنٹس کا اضافہ ہوا اور مارکیٹ نے ایک لاکھ 20 ہزار کی حد پار کی۔ تاہم بعد میں پرافٹ ٹیکنگ کے باعث انڈیکس میں کمی ہوئی۔
مارکیٹ کے اختتام پر انڈیکس ایک لاکھ 19 ہزار 689 پوائنٹس پر بند ہوا۔ آج 45 کروڑ 53 لاکھ سے زیادہ شیئرز کے کاروبار کی مالیت 22 ارب 27 کروڑ روپے سے زیادہ رہی۔
آٹو موبائل اسمبلرز، آٹو موبائل اسیسریز سیمنٹ کیمیکل اور کمرشل بینکوں کے سودوں میں بھی تیزی دیکھی گئی۔
آج 465 کمپنیوں کے کاروبار میں 222 کمپنیوں کے شیئرز کی قیمتوں میں اضافہ، 199 میں کمی اور 44 کمپنیوں کے شیئرز کی قیمت مستحکم رہی۔