پاکستان ریلویز کو گیارہ ماہ میں 83 ارب کی ریکارڈ آمدن

لاہور :پاکستان ریلویز کو گیارہ ماہ میں 83 ارب کی ریکارڈ آمدن ہوئی ہے ۔مسافر ٹرینوں سے 42 ارب، مال گاڑیوں سے 29 ارب ریونیو حاصل ہوا۔وفاقی وزیر ریلوے محمد حنیف عباسی کاکہناہے کہ محنت اور لگن سے ریلوے کو پاؤں پر کھڑا کریں گے۔
پاکستان ریلویز ہیڈکوارٹرز لاہورکی جانب سے جاری تفصیلات کے مطابق پاکستان ریلویز کو گیارہ ماہ میں 83 ارب کی ریکارڈ آمدن ہوئی ہے ۔مسافر ٹرینوں سے 42 ارب، مال گاڑیوں سے 29 ارب ریونیو حاصل ہواہے جبکہ دیگر ذرائع سے 12 ارب کی آمدن حاصل ہوئی۔
مالی سال کا 88 ارب کا ریکارڈ توڑنے کے روشن امکانات ہیں ۔کراچی ڈویژن نے مسافر ٹرینوں سے 13 ارب جبکہ مال گاڑیوں سے 25 ارب کمائے۔لاہور ڈویژن نے مسافر ٹرینوں سے 10 ارب جبکہ مال گاڑیوں سے پونے ایک ارب ریونیو حاصل کیا۔
راولپنڈی اور ملتان ڈویژن نے پسنجر سیکٹر سے یکساں 4 جبکہ مجموعی 8 ارب آمدن حاصل کی۔مالی سال کے گیارہ ماہ میں اس قدر آمدن تاریخ میں کبھی حاصل نہیں ہوئی۔گزشتہ سال اسی عرصے میں ریلوے نے 77 ارب ریونیو اکٹھا کیا۔
وفاقی وزیر ریلوے محمد حنیف عباسی کاکہناہے کہ محنت اور لگن سے ریلوے کو پاؤں پر کھڑا کریں گے۔