میلبرن: کرکٹ آسٹریلیا نے پاکستان کیخلاف سیریز کے لیے وینیوز کو حتمی شکل دے دی۔
رواں سال پاکستان اور بھارت کی ٹیموں نے آسٹریلیا کا دورہ کرنا ہے، پاکستان کرکٹ ٹیم نے 3 ون ڈے اور 3 ٹی 20 میچز کی سیریز نومبر میں کھیلنی ہے۔
ذرائع کے مطابق پاکستان کے 6 وائٹ بال میچز 6 وینیوز پر ہوں گے، وینیوز میں میلبرن، سڈنی، ایڈیلیڈ، کینبرا، برسبین اور ہوبارٹ شامل ہیں۔
علاوہ ازیں بھارت نے دورہ آسٹریلیا میں 5 ٹیسٹ میچز کی سیریز کھیلنی ہے، کرکٹ آسٹریلیا نے ٹیسٹ سیریز کے وینیوز کو بھی حتمی شکل دے دی۔
ٹیسٹ وینیوز میں پرتھ، ایڈیلیڈ، برسبین، میلبرن اور سڈنی شامل ہیں جبکہ ایڈیلیڈ میں ڈے اینڈ نائٹ پنک بال ٹیسٹ میچ ہو گا، کرکٹ آسٹریلیا دونوں سیریز کے شیڈول کا جلد اعلان کرے گا۔
