اسلام آباد: پاکستان کا کرپٹو کرنسی اور بلاک چین کے شعبے میں عالمی سطح پر مقام تیزی سے ابھر کر سامنے آ رہا ہے، جس کا اعتراف بھارتی ماہرین نے بھی کیا ہے۔
وزیرِ مملکت برائے کرپٹو اور بلاک چین، بلال بن ثاقب نے ہانگ کانگ میں منعقدہ بٹ کوائن ایشیا کانفرنس میں پاکستان کی نمائندگی کی۔ انہوں نے اپنے خطاب میں کہا کہ کرپٹو کرنسی کے ذریعے پاکستان عالمی سطح پر نئی شناخت بنا رہا ہے۔
پاکستان ورچوئل ایسیٹس ریگولیٹری اتھارٹی کے قیام کے بعد پاکستان جنوبی ایشیا کا پہلا ملک بن گیا ہے جس نے کرپٹو کرنسی کے لیے آزاد ریگولیٹری ادارہ تشکیل دیا۔ یہ اقدام سرمایہ کاری، شفافیت اور ڈیجیٹل معیشت کے فروغ کی جانب ایک اہم پیش رفت ہے۔
بھارتی کرپٹو انفلوئنسر “بٹ کوائن والا” نے بھی بلال بن ثاقب کی قیادت کو سراہتے ہوئے کہا کہ ہمیں بھارت میں بھی بلال بن ثاقب جیسے رہنماؤں کی ضرورت ہے۔ اس بیان کو ماہرین پاکستان کی کرپٹو کرنسی میں برتری کا اعتراف قرار دے رہے ہیں۔
