شرم الشیخ:وزیراعظم محمد شہبازشریف نے کہا ہے کہ پاکستان کی سب سے اہم ترجیح غزہ پر مسلط کی گئی نسل کشی مہم کو فوری روکنا تھا۔ دوست ملکوں کیساتھ مل کر اس ترجیح کا تسلسل کے ساتھ اعادہ کیا گیا ۔
شرم الشیح سے روانگی کے موقع پرسوشل میڈیا پلیٹ فارم ایکس پر اپنے بیان میں وزیراعظم نے کہا کہ فلسطینی عوام کی آزادی، وقار اور خوشحالی پاکستان کے لیے بنیادی اہمیت کی حامل ہے۔انہوں نے صدر ڈونلڈ ٹرمپ کا شکریہ ادا کرتے ہوئےکہا کہ امن کے لیے منفرد کردار پر امریکی صدر کی پذیرائی کرتے رہیں گے۔
محمد شہبازشر یف نے کہا کہ صدر ٹرمپ کے لیے ہمارا شکریہ اس بات کی بنا ءپر ہے کہ وہ وعدے کو پورا کریں گے۔ وزیرِ اعظم نے کہا کہ 1967 سے پہلے کی سرحدوں کے ساتھ مضبوط اور قابل عمل فلسطینی ریاست کا قیام، جس کا دار الخلافہ القدس الشریف ہو،پاکستان کی مشرق وسطیٰ کی پالیسی کی بنیاد ہے اور رہے گی۔
