بھارت کی ریاست گجرات میں احمد آباد ائر پورٹ کے قریب مسافر طیارہ گر کر تباہ،242 افراد ہلاک

بھارت کی ریاست گجرات کے شہر احمد آباد میں آج ایک دلخراش حادثہ پیش آیا جب ایئر انڈیا کا ایک مسافر طیارہ اڑان بھرتے ہی احمد آباد ایئرپورٹ کے قریب گر کر تباہ ہو گیا۔ اس حادثے میں طیارے میں سوار عملے کے ارکان سمیت تمام 242 افراد ہلاک ہو گئے۔
بھارتی میڈیا رپورٹس کے مطابق، ایئر انڈیا کا یہ طیارہ احمد آباد سے لندن جا رہا تھا۔ حادثہ ایئرپورٹ سے پرواز بھرنے کے فوراً بعد پیش آیا۔ تاہم، ابتدائی اطلاعات کے مطابق کوئی بھی زندہ بچ نہیں سکا۔
حادثے کی وجوہات تاحال معلوم نہیں ہو سکی ہیں۔ سول ایوی ایشن حکام نے واقعے کی تحقیقات کا آغاز کر دیا ہے۔ جائے حادثہ پر ایمرجنسی سروسز اور ریسکیو ٹیمیں موجود ہیں اور ملبہ ہٹانے کا کام جاری ہے۔