پی ڈی ایم اے پنجاب کا صوبے بھر میں گرمی کی شدت میں اضافے بارے الرٹ جاری

لاہور: پی ڈی ایم اے پنجاب نے صوبے بھر میں گرمی کی شدت میں اضافے کے پیش نظر الرٹ جاری کر دیا ہے۔ پی ڈی ایم اے کے مطابق آئندہ چند دنوں میں میدانی علاقوں میں درجہ حرارت معمول سے 6 سے 8 ڈگری زیادہ ہونے کا امکان ہے، جس سے فصلوں پر بھی اثر پڑ سکتا ہے۔

پی ڈی ایم اے کے ڈی جی عرفان علی کاٹھیا نے کسانوں سے کہا ہے کہ وہ موسمی صورتحال کو مدنظر رکھتے ہوئے تمام تر پیشگی اقدامات کریں۔ شمالی پنجاب اور بالائی علاقوں میں 6 سے 7 مارچ اور 9 سے 11 مارچ کے دوران گرج چمک کے ساتھ بارش کی پیشگوئی ہے۔

ڈی جی پی ڈی ایم اے نے شہریوں اور سیاحوں کو احتیاطی تدابیر اختیار کرنے کی ہدایت کرتے ہوئے کہا کہ کسی بھی ایمرجنسی صورتحال میں ہیلپ لائن 1129 پر فوری رابطہ کیا جائے۔