اسلام آباد:اسلام آباد ،راولپنڈی سمیت گردونواح میں بارش سے موسم خوشگوار ہوگیا۔
جڑواں شہروں راولپنڈی اسلام آباد سمیت گردونواح میں آج الصبح سے وقفہ وقفہ سے بارش کاسلسلہ جاری ہے جس سے گرمی کازور ٹو ٹ گیا۔
محکمہ موسمیات کے مطابق آج بالائی پنجاب ، اسلام آباد، خیبرپختونخوا ، شمال مشرقی،جنوبی بلوچستان ، کشمیر اور گلگت بلتستان میں تیز ہواؤں،جھکڑ چلنے اور گرج چمک کے ساتھ مزید بارش جبکہ شمال مشر قی پنجاب ، خطہ پوٹھوہار، بالائی خیبرپختونخوا اور کشمیر میں چند مقا مات پر موسلادھار بارش کا بھی امکان ہے ۔
دوسری جانب چوبیس گھنٹوں کے دوران زیادہ سے زیادہ درجہ حرارت چلاس 44، نوکنڈی اور بونجی میں 43 ڈگری سینٹی گریڈ ریکارڈ کیا گیا۔
