منامہ: صدر آصف علی زرداری بحرین کا چار روزہ سرکاری دورہ مکمل کرکے وطن واپس روانہ ہوگئے۔ صدرِ مملکت کو منامہ ہوائی اڈے پر بحرین کے وزیرِ خارجہ ڈاکٹر عبد اللطیف بن راشد الزیانی نے رخصت کیا۔
صدر آصف زرداری کے دورۂ بحرین کے دوران دونوں ممالک کے درمیان دوطرفہ تعلقات، اقتصادی تعاون اور باہمی دلچسپی کے امور پر اہم پیش رفت ہوئی۔ دورے کا مقصد پاکستان اور بحرین کے برادرانہ تعلقات کو مزید مستحکم کرنا اور اقتصادی و تجارتی تعاون کو فروغ دینا تھا۔
اس دوران صدر زرداری نے بحرین کے فرمانروا شاہ حمد بن عیسیٰ آل خلیفہ، ولی عہد و وزیرِ اعظم شہزادہ سلمان بن حمد الخلیفہ، وزیرِ داخلہ لیفٹیننٹ جنرل شیخ راشد بن عبداللہ الخلیفہ اور وزیرِ مالیات و قومی معیشت شیخ سلمان بن خلیفہ الخلیفہ سے ملاقاتیں کیں۔ صدر زرداری کو دورے کے دوران شیخ عیسیٰ ایوارڈ سے بھی نوازا گیا۔صدرِ پاکستان کے دورۂ بحرین سے دوطرفہ شراکت داری کے نئے امکانات اجاگر ہوئے
