وزیراعظم کابھارتی شہر احمدآباد میں طیارہ حادثے میں قیمتی جانوں کے ضیاع پراظہارافسوس

اسلام آباد:وزیراعظم محمد شہبازشریف نے بھارتی شہر احمدآباد میں طیارہ حادثے میں قیمتی جانوں کے ضیاع پردکھ کااظہارکیاہے ۔
سوشل میڈیاپلیٹ فارم”ایکس”پر اپنے ایک بیان میں وزیراعظم نے کہا کہ احمد آباد کے قریب ایئر انڈیا کی فلائٹ کے آج ہونے والے المناک حادثے پر غمزدہ ہوں۔
وزیراعظم شہباز شریف نے طیارہ حادثے میں قیمتی انسانی جانوں کے ضیاع پر متاثرہ خاندانوں سے ہمدردی کا اظہار کیا۔انہوں نے کہا کہ ہماری دعائیں متاثرہ خاندانوں کے ساتھ ہیں۔